വാണിജ്യ ആവശ്യങ്ങള്ക്കുള്ള പാചകവാതക സിലിണ്ടര് വില വര്ധിപ്പിച്ച് എണ്ണക്കമ്പനികള്. 102 രൂപയാണ് 19 കിലോ സിലിണ്ടറിന്റെ പുതിയ വില. ഇതോടെ പുതുക്കിയ വില 1842 രൂപയായി. !ഡല്ഹിയില് 1833 രൂപയാണ് വില.
ഗാര്ഹിക ആവശ്യങ്ങള്ക്കുള്ള സിലിണ്ടര് വിലയില് വര്ധനവില്ല. ഡല്ഹിയില് എല്പിജി സിലിണ്ടറിന് 903 രൂപയും കൊല്ക്കത്തയില് 14 കിലോ സിലിണ്ടറിന്റെ വില 929 രൂപയുമാണ്.
വാണിജ്യ ആവശ്യങ്ങള്ക്കുള്ള സിലിണ്ടര് വില വര്ധിച്ചത് ഹോട്ടല് മേഖലയ്ക്ക് തിരിച്ചടിയാകും. ഒക്ടോബര് 1 നും വാണിജ്യ എല്പിജി ഗ്യാസ് സിലിണ്ടറുകളുടെ വില എണ്ണക്കമ്പനികള് വര്ധിപ്പിച്ചിരുന്നു. ഒക്ടോബറില് പുതിയ നിരക്ക് നടപ്പാക്കിയതിന് ശേഷം ചില്ലറ വില്പ്പന ഡല്ഹിയില് വാണിജ്യ എല്പിജി സിലിണ്ടറിന്റെ വില 1731.50 രൂപയായി ഉയര്ന്നു, നവംബറിലെ വര്ദ്ധിപ്പിച്ച നിരക്കിന് ശേഷം ഇത് ഇപ്പോള് 1833 രൂപയായി.
വാണിജ്യ എല്പിജി സിലിണ്ടറിന്റെ വിലയും സെപ്റ്റംബറില് കുറഞ്ഞു. ഓയില് മാര്ക്കറ്റിംഗ് കമ്പനികള് സെപ്റ്റംബറില് 19 കിലോഗ്രാം വാണിജ്യ സിലിണ്ടറിന്റെ വില 157 രൂപ കുറച്ചു, അതിനുശേഷം ഈ സിലിണ്ടര് ഡല്ഹിയില് 1522.50 രൂപയ്ക്കും കൊല്ക്കത്തയില് 1636 രൂപയ്ക്കും വിറ്റു. ഓഗസ്റ്റില് വാണിജ്യ എല്പിജി ഗ്യാസ് സിലിണ്ടറുകളുടെ വില 100 രൂപ കുറച്ചിരുന്നു.
