ഗേറ്റ് വീണ് ഏഴുവയസ്സുകാരിക്ക് ദാരുണാന്ത്യം. ചെന്നൈ നങ്കനല്ലൂരിലാണ് സംഭവം. മരിച്ചത് രണ്ടാം ക്ലാസുകാരി ഐശ്വര്യ. ഇന്നലെ വൈകിട്ട് പിതാവ് സ്‌കൂളില്‍ നിന്ന് വിളിച്ചുകൊണ്ടുവന്നതിന് പിന്നാലെയായിരുന്നു സംഭവം. കുട്ടിയുടെ തലയ്ക്ക് ഗുരുതരമായി പരുക്കേറ്റിരുന്നു.
പെണ്‍കുട്ടിയെ ദിവസവും പിതാവാണ് ഇരുചക്ര വാഹനത്തില്‍ സ്‌കൂളിലേക്ക് കൊണ്ടുപോവുകയും വിളിക്കാന്‍ വരുന്നതും. പിതാവ് സമ്പത്ത് പ്രദേശത്ത് ഒരു കട നടന്നത്തുന്നതായി പൊലീസ് പറയുന്നു.
ഇന്നലെ രാവിലെ പതിവുപോലെ സ്‌കൂളിലേക്ക് പോയ വിദ്യാര്‍ത്ഥിനിയെ അച്ഛന്‍ വീട്ടിലേക്ക് തിരികെ കൊണ്ടുവന്നു. തുടര്‍ന്ന് പെണ്‍കുട്ടി വീടിന്റെ ഇരുമ്പ് ഗേറ്റ് തുറന്നു. ഇരുചക്രവാഹനവുമായി അച്ഛന്‍ പോയതിനുശേഷം ഇരുമ്പ് ഗേറ്റ് അടച്ചു.
തുടര്‍ന്ന്, പെട്ടെന്ന് പെണ്‍കുട്ടിയുടെ മേല്‍ ഇരുമ്പ് ഗേറ്റ് ഇടിഞ്ഞുവീഴുകയായിരുന്നു. അയല്‍ക്കാരും പെണ്‍കുട്ടിയുടെ അച്ഛനും ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
