കൊച്ചി: അതിമാരകമായ മയക്കുമരുന്ന് ഗുളികകളും 130 ഗ്രാം കഞ്ചാവുമായി കൊച്ചി വരാപ്പുഴയില്‍ രണ്ട് പേര്‍ അറസ്റ്റില്‍. വരാപ്പുഴ ഉളനാട് ഭാഗത്ത് നടത്തിയ പരിശോധനയിലാണ് മരുന്നുകളും കഞ്ചാവും പിടിച്ചെടുത്തത്. ആസാം സ്വദേശികളായ അജീബുള്‍ റഹ്മാന്‍, അനാറുള്‍ ഹഖ് എന്നിവരെയാണ് വരാപ്പുഴ എക്‌സൈസ് സംഘം പിടികൂടിയത്.
ആസാമില്‍ നിന്നും കേരളത്തിലേക്ക് മയക്കുമരുന്ന് ഇനത്തില്‍പ്പെട്ട വസ്തുക്കള്‍ കടത്തി അതിഥി തൊഴിലാളികള്‍ക്ക് ഇടയിലും കോളേജ് വിദ്യാര്‍ത്ഥികള്‍ക്ക് ഇടയിലും വില്‍പ്പന നടത്തുന്നവരാണ് പിടിയിലായതെന്ന് എക്‌സൈസ് പറഞ്ഞു. ഇരുവരെയും കോടതിയില്‍ ഹാജരാക്കി റിമാന്‍ഡ് ചെയ്തു.
