കല്പ്പറ്റ: വയനാട് ലോക്സഭ ഉപതെരഞ്ഞെടുപ്പില് കോണ്ഗ്രസിന്റെ പ്രിയങ്ക ഗാന്ധിയെ നേരിടാന് സത്യന് മൊകേരിയെ എല്.ഡി.എഫ് കളത്തിലിറക്കും. സത്യന് മൊകേരിയുടെ സ്ഥാനാര്ഥിത്വം സംബന്ധിച്ച തീരുമാനം ഇന്ന് ചേര്ന്ന സി.പി.ഐ സംസ്ഥാന കൗണ്സിലിലാണ് ഉണ്ടായത്.
സത്യന് മൊകേരിയുടെ പേര് വയനാട് ജില്ല കമ്മിറ്റിയാണ് ശുപാര്ശ ചെയ്തത്. സി.പി.ഐ ദേശീയ കൗണ്സില് അംഗമായ ഇദ്ദേഹം മൂന്ന് തവണ എം.എല്.എ ആയിട്ടുണ്ട്. മുമ്പ് സത്യന് മൊകേരി മത്സരിച്ചപ്പോള് വയനാട് മണ്ഡലത്തില് സി.പി.ഐ മികച്ച പ്രകടനം നടത്തിയിരുന്നു.
രാഹുല് ഗാന്ധിക്കെതിരെ ലോക്സഭ തെരഞ്ഞെടുപ്പില് ആനി രാജയായിരുന്നു മത്സരിച്ചിരുന്നത്. റായ്ബറേലി, വയനാട് ലോക്സഭ മണ്ഡലങ്ങളില് മത്സരിച്ച രാഹുല് രണ്ടിടത്തും വിജയിച്ചതിനെതുടര്ന്ന് വയനാട്ടില്നിന്ന് രാജിവെച്ചതോടെയാണ് ഉപതെരഞ്ഞെടുപ്പ് വേണ്ടിവന്നത്.
