വ്ലോഗറും ആല്ബം നടിയും ഇന്സ്റ്റഗ്രാം താരവുമായിരുന്ന റിഫ മെഹ്നുവിന്റെ ദൂരൂഹമരണത്തില് ഭര്ത്താവ് മെഹ്നാസിനെതിരേ ആത്മഹത്യാപ്രേരണാകുറ്റത്തിന് പൊലീസ് കേസെടുത്തു. കാക്കൂര് പൊലീസ് ആണ് കേസെടുത്തത്. കേസിന്റെ അന്വേഷണ ചുമതല താമരശ്ശേരി ഡിവൈഎസ്പി അഷ്റഫിനാണ്.
മാര്ച്ച് ഒന്നിന് ദുബായ് ജാഹിലിയയിലെ ഫ്ളാറ്റിലാണ് റിഫയെ തൂങ്ങിമരിച്ച നിലയില് കണ്ടെത്തിയത്.യൂട്യൂബിലെ ലൈക്കിന്റെയും സബ്ക്രിബ്ഷന്റെയും പേരില് മെഹ്നാസ് റിഫയെ മാനസികമായും ശാരീരികമായും പീഡിപ്പിച്ചെന്ന് പൊലീസ് പറഞ്ഞു. കാക്കൂര് പൊലീസ് പ്രാഥമിക അന്വേഷണം നടത്തിയതിന് ശേഷമാണ് കേസ് രജിസ്റ്റര് ചെയ്തത്. 10 വര്ഷം വരെ തടവു ലഭിക്കാവുന്ന കുറ്റമാണ് മെഹ്നാസിനെതിരേ ചുമത്തിയത്.
ഇന്സ്റ്റഗ്രാം വഴി പരിചയപ്പെട്ട ഇരുവരും മൂന്ന് വര്ഷം മുമ്പാണ് വിവാഹിതരായത്. ജോലി ആവശ്യാര്ഥം ദുബയിലെത്തിയതിന് പിറകെയായിരുന്നു റിഫയുടെ അപ്രതീക്ഷിത മരണം. റിഫയുടെ മരണത്തില് ദുരൂഹതയുള്ളതിനാല് മാതാപിതാക്കള് കോഴിക്കോട് റൂറല് എസ്പിക്ക് പരാതി നല്കുകയായിരുന്നു.
