തിരുവനന്തപുരം: ഏറ്റവും കൂടുതല് കാലം കേരള നിയമസഭാംഗമായതിന്റെ റെക്കോര്ഡ് ഇനി മുന് മുഖ്യമന്ത്രി ഉമ്മന് ചാണ്ടിക്ക് സ്വന്തം. മുന് മന്ത്രിയും കേരള കോണ്ഗ്രസ് എം നേതാവുമായിരുന്ന കെ എം മാണിയെയാണ് ഉമ്മന് ചാണ്ടി മറികടന്നത്. 2022 ഓഗസ്റ്റ് 2ന് 18,728 ദിവസം (51 വര്ഷം മൂന്നേകാല് മാസം) ഉമ്മന് ചാണ്ടി നിയമസഭാ അംഗമെന്ന നിലയില് പൂര്ത്തീകരിച്ചു. നിയമസഭ രൂപവത്കരിച്ച തീയതി അടിസ്ഥാനമാക്കിയുള്ള കണക്കനുസരിച്ചാണ് ഇത്. സത്യപ്രതിജ്ഞ നടന്ന തീയതി അടിസ്ഥാനമാക്കിയാല് ഈ മാസം 11നാണ് റെക്കോര്ഡ് മറികടക്കുക.
1965 മുതൽ 2016 വരെ തുടർച്ചയായി 13 തവണ കെ എം മാണി പാലാ മണ്ഡലത്തിൽ നിന്ന് മത്സരിച്ച് വിജയിച്ചു. കെ.എം. മാണി 12 നിയമസഭകളിൽ അംഗമായി. 1965-ൽ ആദ്യമായി വിജയിച്ചെങ്കിലും 1967-ലാണ് ആദ്യമായി നിയമസഭാംഗമായത്. 1965 മാർച്ച് 17 ന് രൂപീകൃതമായ നിയമസഭ സത്യപ്രതിജ്ഞ ചെയ്യാതെ മാർച്ച് 24 ന് പിരിച്ചുവിടുകയായിരുന്നു.
