മലപ്പുറം വൈദ്യുതി ബില് അടക്കാതെ വന്നതോടെ കെ എസ് ഇ ബി കോട്ടപ്പടി ഡി ഡി ഇ ഓഫീസിലെ ഫ്യൂസ് ഊരി. ഇന്നലെ രാവിലെ 10 മണിയോടെയാണ് രണ്ട് മീറ്ററുകളിലെ ഫ്യൂസ് ഊരി മാറ്റിയത്. ആകെ മൂന്ന് മീറ്ററുകളുണ്ട്. ഒരു മീറ്ററിലെ ഫ്യൂസ് അധികതര് ഊരിയിട്ടില്ല. ആറ് മാസത്തിനിടെ ഏകദേശം 1,59,000 രൂപയാണ് കുടിശ്ശികയായി കെ എസ് ഇ ബിയില് അടക്കാനുള്ളത്. തുക കെട്ടാതെ വന്നതോടെ അധികൃതര് വൈദ്യുതി ബന്ധം വിച്ഛേദിക്കുകയായിരുന്നു. ഇതോടെ ഓഫീസ് പ്രവര്ത്തനം ഇരുട്ടിലായി. ഓഫീസിലെ ഇന്വെര്ട്ടര് കെടുവന്നതിനാല് ഈ സംവിധാനവും ജീവനക്കാര്ക്ക് ഉപയോഗിക്കാന് കഴിഞ്ഞില്ല. ടി ടി സി വിദ്യാര്ഥികളുടെ അഭിമുഖം നടക്കുന്ന സാഹചര്യത്തിലാണ് മൂന്നാമത്തെ ഫ്യൂസ് ഊരാടെ കെ എസ് ഇ ബി തിരിച്ച് പോയത്. പ്രശ്നം ശ്രദ്ധയില്പ്പെട്ടതോടെ പണമടക്കാന് അടിയന്തിര നടപടി സ്വീകരിച്ചിട്ടുണ്ടെന്ന് ഡി ഡി ഇ അറിയിച്ചു.
