തിരുവനന്തപുരം: യുഡിഎഫ് അധികാരത്തിലെത്തിയാല് മുഖ്യമന്ത്രി ആരാകണം എന്നത് സംബന്ധിച്ച് വിവിധ അഭിപ്രായങ്ങള് ഉയരുന്നതിനിടെ പ്രതികരണവുമായി ശശി തരൂര് എം പി. ഇത് സംബന്ധിച്ച് നടക്കുന്ന ചര്ച്ചകള് അര്ത്ഥമില്ലാത്തവയാണെന്ന് ശശി തരൂര് പ്രതികരിച്ചു.
മുഖ്യമന്ത്രിയെ ജയിച്ച എംഎല്എമാരുടെ അഭിപ്രായം കേട്ട ശേഷം ഹൈക്കമാന്റ് തീരുമാനിക്കും. ഞങ്ങള് ജയിച്ചാല് മുഖ്യമന്ത്രി ഉണ്ടാകും. ആരാണ് എവിടെ നിന്നാണ്, ഏത് നഗരത്തില് നിന്നാണ് എന്ന് പറയാന് സാധ്യതയില്ല. ഇപ്പോള് നേതാക്കള് പറയുന്ന അഭിപ്രായങ്ങള് അനാവശ്യമാണ്. കെട്ടിടം കെട്ടിയ ശേഷമല്ലേ ഫര്ണിച്ചര് വാങ്ങിക്കേണ്ട കാര്യമുള്ളൂ,’ എന്ന് ശശി തരൂര് പറഞ്ഞു.
