തിരുവനന്തപുരം: സംസ്ഥാനത്ത് മന്ത്രിസഭാ പുനഃസംഘടന ഉണ്ടാവില്ലെന്ന് സിപിഎം സംസ്ഥാന സെക്രട്ടറി കോടിയേരി.ബാലകൃഷ്ണന്‍. മന്ത്രിമാരുടെ വകുപ്പ് മാറ്റവും ഉണ്ടാകില്ല. സര്‍ക്കാരിന്റെ പ്രവര്‍ത്തനം നല്ല രീതിയില്‍ മുന്നോട്ടു പോകുന്നു. താന്‍ മന്ത്രിയാവാന്‍ ഇല്ലെന്നും കോടിയേരി പറഞ്ഞു.കെ.ടി.ജലീലും മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടിയും തമ്മില്‍ കൂടിക്കാഴ്ച നടത്തിയതില്‍
രാഷ്ട്രീയമില്ല. രണ്ടു നേതാക്കള്‍ തമ്മില്‍ കാണുന്നതിലും രാഷ്ട്രീയമില്ല.അധികാരമുള്ളിടത്തേ മുസ്ലിം ലീഗ് നില്‍ക്കൂ. ഇടതുമുന്നണിയുടെ വിപുലീകരണം ഇപ്പോഴില്ല.പാര്‍ട്ടിയില്‍ 75 വയസ്സ് കഴിഞ്ഞവര്‍ക്ക് സംസ്ഥാന സെന്ററിന്റെ ഭാഗമായി പ്രവര്‍ത്തിക്കാം. കുറച്ചുപേരെ.കമ്മിറ്റിയില്‍ പ്രത്യേക ക്ഷണിതാക്കളായി ഉള്‍പ്പെടുത്തുമെന്നും കോടിയേരി പറഞ്ഞു.
