ഷൊര്ണൂര്-നിലമ്പൂർ പാതയില് ഒരു ട്രെയിന്കൂടി അനുവദിച്ച് റെയില്വേ ഉത്തരവിറക്കി. നിലമ്പൂര്-ഷൊര്ണൂര് എക്സ്പ്രസാണ് ഈ മാസം 30 മുതല് സര്വിസ് നടത്തുക,കോവിഡ് സാഹചര്യത്തില് നിര്ത്തലാക്കിയ പാസഞ്ചറുകളിലൊന്നാണ് സ്പെഷല് എക്സ്പ്രസായി ആരംഭിക്കുന്നത്.
ഷൊര്ണൂരില്നിന്ന് രാവിലെ 7.05ന് പുറപ്പെട്ട് രാവിലെ 8.50ന് നിലമ്ബൂരിലെത്തുന്ന 06465 നമ്ബര് സര്വിസും നിലമ്ബൂരില്നിന്ന് രാവിലെ 10.10ന് പുറപ്പെട്ട് 11.50ന് ഷൊര്ണൂരിലെത്തുന്ന 06468 നമ്ബര് സര്വിസുമാണ് തുടങ്ങുന്നത്. ഇതോടെ പാതയില് നാല് ട്രെയിനാവും. നിലമ്ബൂര്-കൊച്ചുവേളി രാജ്യറാണി എക്സ്പ്രസ്, നിലമ്ബൂര്-കോട്ടയം സ്പെഷല് എക്സ്പ്രസ്, അണ് റിസര്വ്ഡ് സ്പെഷല് എക്സ്പ്രസ് സര്വിസ് എന്നിവയാണ് മറ്റുള്ളവ.
ഏഴ് ജോടി സര്വിസുകളുണ്ടായിരുന്ന പാതയില് പാസഞ്ചറുകളെല്ലാം നിര്ത്തലാക്കിയാണ് നാല് എക്സ്പ്രസ് സര്വിസിന് മാത്രം റെയില്വേ അനുമതി നല്കിയത്. മറ്റ് പാസഞ്ചര് ട്രെയിനുകള് ജൂണ് ആദ്യവാരത്തോടെ പുനരാരംഭിക്കാനുള്ള നടപടി സ്വീകരിച്ചുവരുന്നതായി റെയില്വേ അധികൃതര് അറിയിച്ചു.
