കേരളത്തിലും തമിഴ്നാട്ടിലും തുലാവര്ഷം ഒരു ദിവസം വൈകി ഇന്ന് എത്തി ചേര്ന്നതായി കേന്ദ്ര കാലാവസ്ഥ വകുപ്പ്. തെക്കന് ജില്ലകളിലും മലയോര മേഖലയിലും ഒറ്റപ്പെട്ട ശക്തമായ മഴ സാധ്യതയുണ്ട്. ബംഗാള് ഉള്ക്കടല് ന്യുനമര്ദ്ദം നാളെയോടെ അതിതീവ്ര ന്യുനമര്ദ്ദമായി ശക്തി പ്രാപിക്കുമെന്ന് കാലാവസ്ഥാ വകുപ്പ് മുന്നറിയിപ്പ് നല്കി.
കോമോറിന് മേഖലയില് ചക്രവാതചുഴി തുടരുന്നു. കേരളത്തില് അടുത്ത മൂന്ന് ദിവസവും എല്ലാ ജില്ലയിലും ഇടി മിന്നലോടു കൂടിയ മഴയ്ക്ക് സാധ്യതയുണ്ട്. തെക്ക് പടിഞ്ഞാറന് അറബികടലിലെ തേജ് ചുഴലിക്കാറ്റ് ബുധനാഴ്ചയോടെ ഒമാന് യെമന് തീരത്തേക്ക് എത്താനാണ് സാധ്യത. ഇന്ത്യന് തീരത്തിന് ഭീഷണിയില്ല. ഈ വര്ഷത്തെ മൂന്നാമത്തെയും അറബികടലില് രണ്ടാമത്തെയും ഈ സീസണിലെ ആദ്യത്തെയും ചുഴലിക്കാറ്റാണ് തേജ്.
