കുറ്റിപ്പുറം: അര കിലോയോളം ഹാഷിഷ് ഓയിലുമായി രണ്ട് യുവാക്കള്‍ കുറ്റിപ്പുറം എക്സൈസിന്‍റെ പിടിയില്‍.നടുവട്ടം നാഗപ്പറമ്പ് സ്വദേശി മുഹമ്മദ് ആഷിക്ക്,തെക്കേ നാഗപ്പറമ്പ് അബ്ദുല്‍ ഷുക്കൂര്‍ എന്നിവരാണ് എക്സൈസിന്‍റെ പിടിയിലായത്.കുറ്റിപ്പുറം നടുവട്ടം- നാഗപ്പറമ്പ് ഭാഗങ്ങളില്‍ കുറ്റിപ്പുറം എക്സൈസ് നടത്തിയ റെയിഡിലാണ് അര കിലോയോളം ഹാഷിഷ് ഓയിലുമായി 2 യുവാക്കള്‍ പിടിയിലായത്.നടുവട്ടം നാഗപ്പറമ്പ് കുഞ്ഞീന്‍കുട്ടി മകന്‍ മുഹമ്മദ് ആഷിക്ക്(21), തെക്കേ നാഗപ്പറമ്പ് കുഞ്ഞു മകന്‍ മുഹമ്മദ് അബ്ദുല്‍ ഷുക്കൂര്‍ (22) എന്നിവരെയാണ് കുറ്റിപ്പുറം റെയിഞ്ച് എക്സൈസ് ഇന്‍സ്പെക്ടര്‍ സാദിക്കും പാര്‍ട്ടിയും ചേര്‍ന്ന് അറസ്റ്റ് ചെയ്തത്.ചില്ലറ വില്പനക്കായി സൂക്ഷിച്ച ഹാഷിഷ് ഓയിലാണ് പിടിച്ചെടുത്തത്.പ്രിവന്‍റീവ് ഓഫീസര്‍ മുരുകന്‍, സിവില്‍ എക്സൈസ് ഓഫീസര്‍മാരായ ഗിരീഷ്,ഗോപിനാഥന്‍,കമ്മുക്കുട്ടി, വനിതാ സിവില്‍ എക്സൈസ് ഓഫീസര്‍ ശ്രീജ എന്നിവര്‍ പാര്‍ട്ടിയില്‍.
