ഖത്തര് ഐഡിയല് ഇന്ത്യന് സ്കൂളിലെ രണ്ട് വിദ്യാര്ഥികള് സ്വിമ്മിംഗ് പൂളില് മുങ്ങി മരിച്ചു. മഹാരാഷ്ട്ര സ്വദേശി അഫ്സല് കാഹിറുദീന് ബഡെ റുബൈന ദമ്പതികളുടെ മകന് അഹമ്മദ് അഫ്സല് ബഡെ (9), ആമിര് മുഹമ്മദ് ഷാഹിദ് ഖുറൈശിയുടെ മകന് മുഹമ്മദ് ഷഹീദ് ഖുറൈശി (10) എന്നിവരാണ് മരിച്ചത്.
ഐഡിയല് ഇന്ത്യന് സ്കൂള് സമൂഹ മാധ്യമ അക്കൗണ്ടില് അനുശോചനം അറിയിച്ചു. ആവശ്യമായ എല്ലാ നടപടിക്രമങ്ങളും പൂര്ത്തീകരിച്ചിട്ടുണ്ടെന്നും വ്യാഴാഴ്ച രാത്രി അബൂഹമൂറില് ഖബറടക്കം നടക്കുമെന്നും പ്രവാസി വെല്ഫയര് അറിയിച്ചു.
