തിരുവനന്തപുരം: ഹിന്ദുമഹാ സമ്മേളനത്തില് മുന് പൂഞ്ഞാര് എംഎല്എ പി സി ജോര്ജിന്റെ കടുത്ത മുസ്ലിം വിരുദ്ധ- വിദ്വേഷ-വ്യാജ പ്രചരണങ്ങളില് മാപ്പ് പറഞ്ഞ് സഹോദര പുത്രന്. തന്റെ പിതാവിന്റെ ജേഷ്ഠ സഹോദരന് ആണ് പി സി ജോര്ജെന്നും ഇന്നലെ അദ്ദേഹം നടത്തിയ മുസ്ലിം മത വിഭാഗത്തെ കുറച്ചു പറഞ്ഞ വാക്കുകളോട് യോജിക്കുന്നില്ലെന്നും അരുവിത്തുറ സെന്റ്. ജോര്ജ് കോളേജ് അസി. പ്രഫസറായ വിയാനി ചാര്ലി വ്യക്തമാക്കി.
അദ്ദേഹത്തിന്റെ പരാമര്ശങ്ങളില് ദുഃഖിതരായ മുസ്ലിം സമൂഹത്തോട് ക്ഷമ ചോദിക്കുന്നു. നിരവധി മുസ്ലിം സഹോദരങ്ങള് വ്യക്തിപരമായി മെസ്സേജുകള് അയച്ചു ചോദിക്കുകയുണ്ടായി. അവരുടെയൊക്കെ ബുദ്ധിമുട്ടുകള് മനസിലാക്കാന് സാധിക്കുന്നു- അദ്ദേഹം കുറിച്ചു. ഫേസ്ബുക്കിലൂടെയാണ് വിയാനി ചാര്ലിയുടെ പ്രതികരണം.
ഏപ്രില് 27 മുതല് മെയ് ഒന്ന് വരെ ഹിന്ദു മഹാപരിഷത്ത് തിരുവനന്തപുരത്തു നടത്തുന്ന ‘അനന്തപുരി ഹിന്ദു മഹാസമ്മേളനം’ ഉദ്ഘാടനം ചെയ്തായിരുന്നു പി സി ജോര്ജിന്റെ വിദ്വേഷ-വ്യാജ പരാമര്ശങ്ങള്. മുസ്ലിങ്ങളുടെ ഹോട്ടലുകളില് മറ്റു മതസ്ഥരെ വന്ധ്യംകരിക്കാന് ഒരു ഫില്ലര് വച്ചിട്ടുണ്ടെന്നും അതില് നിന്ന് ഒരു തുള്ളി ചായയില് ഒഴിച്ചാല് മതി, പിള്ളേരുണ്ടാവില്ലെന്നും പുരുഷനേയും സ്ത്രീയേയും വന്ധ്യംകരിക്കുകയാണെന്നുമായിരുന്നു ജോര്ജ് പറഞ്ഞത്
