കണ്ണൂര്: സിപിഐഎം പാര്ട്ടി കോണ്ഗ്രസില് സില്വര്ലൈനിനെതിരെ അതൃപ്തി അറിയിച്ച് ബംഗാള് ഘടകം. നന്ദിഗ്രാം ഒരു പാഠമായി കണ്ട് പദ്ധതിയെ സംബന്ധിച്ച് ജനങ്ങളെ പൂര്ണമായും ബോധ്യപ്പെടുത്തണമെന്നും ഇക്കാര്യത്തില് കേന്ദ്ര ഘടകം കേരളത്തിന് മുന്നറിയിപ്പ് നല്കണമെന്നും ബംഗാള് ഘടകം അറിയിച്ചു. ഏകപക്ഷീയമായി പദ്ധതി നടപ്പിലാക്കരുത്. ഭൂപ്രശ്നങ്ങള് വലിയ തിരിച്ചടിയുണ്ടാക്കും. പാര്ട്ടിക്ക് മുമ്പില് നന്ദിഗ്രാം അനുഭവം ഉണ്ടെന്നും ബംഗാളിലെ നേതാക്കള് ചൂണ്ടികാട്ടി.
അതേസമയം സില്വര്ലൈന് പദ്ധതി നടപ്പിലാക്കുമെന്ന ഉറച്ച നിലപാടിലാണ് മുഖ്യമന്ത്രി പിണറായി വിജയന്. ഇക്കാര്യം പാര്ട്ടി കോണ്ഗ്രസ് വേദിയിലും പരാമര്ശിച്ചു
എന്നാല് സില്വര്ലൈന് വിഷയത്തില് കേന്ദ്ര നേതൃത്വം നിലപാട് വ്യക്തമാക്കിയിട്ടില്ല. സാമൂഹികാഘാത പഠനം പുറത്ത് വന്നതിന് ശേഷം പ്രതികരിക്കാമെന്നായിരുന്നു ജനറല് സെക്രട്ടറി സീതാറാം യെച്ചൂരി പറഞ്ഞത്.
