മൂടാൽ എംപെയർ കോളേജ് ഓഫ് സയൻസിലെ മാഗസിന് “രണ്ടാം മുറ” പ്രകാശനം കവിയും എഴുത്തുകാരനുമായ സലാം കെ.പി. നിർവഹിച്ചു. ചടങ്ങിൽ കോളേജ് പ്രിൻസിപ്പാൾ എൻ.കെ. മുഹമ്മദ് അലി അധ്യക്ഷത വഹിച്ചു. ചടങ്ങിന് ഡയറക്ടർ ഷാക്കിർ പെരിങ്ങോടൻ, അക്കാദമിക് ഡയറക്ടർ സുഹാന. പി, വൈസ് പ്രിൻസിപ്പാൾ രഞ്ജുഷ കെ.വി., ഹെൽത്ത് ആൻഡ് സയൻസ് ഡയറക്ടർ വിശാഖുണ്ണി, യൂണിയൻ കോഓഡിനേറ്റർ ജിജി വിവേക്, കോളേജ് ചെയർമാൻ ബാസിൽ എന്നിവർ ആശംസകൾ അറിയിച്ചു. കോളേജ് രജിസ്ട്രാർ ടി.വി. ശ്രീകുമാർ സ്വാഗതം പറഞ്ഞു. സ്റ്റുഡന്റ് എഡിറ്റർ ആര്യ പി നന്ദി പ്രകാശിപ്പിച്ചു.
