ലിയോ പതിനാലാമൻ മാർപാപ്പയ്ക്ക് ശ്വാസകോശ അർബുദം സ്ഥിരീകരിച്ചതായി റിപ്പോർട്ട്. ശസ്ത്രക്രിയയ്ക്കിടെ ശേഖരിച്ച കോശങ്ങളുടെ പരിശോധനയിലാണ് രോഗം കണ്ടെത്തിയതെന്നാണ് റിപ്പോർട്ടിൽ പറയുന്നത്. 71 വയസ്സുകാരനായ മാർപാപ്പയുടെ വലത് ശ്വാസകോശത്തിന്റെ താഴത്തെ ഭാഗം 90 മിനിറ്റ് നീണ്ട ശസ്ത്രക്രിയയിലൂടെ നീക്കം ചെയ്തു.
റോമിലെ ജെമെല്ലി ആശുപത്രിയിൽ നടന്ന ശസ്ത്രക്രിയ വിജയകരമായിരുന്നുവെന്നും മാർപാപ്പ സാധാരണ നിലയിൽ ബോധം വീണ്ടെടുത്ത് നിരീക്ഷണത്തിലാണെന്നും വത്തിക്കാൻ അറിയിച്ചതായാണ് റിപ്പോർട്ട്. ശ്വാസകോശത്തിൽ അഡിനോകാർസിനോമ എന്ന അർബുദമാണ് കണ്ടെത്തിയതെന്നാണ് വിവരം.
ആരോഗ്യസ്ഥിതി പരിഗണിച്ച് ഒക്ടോബർ 20 വരെ മാർപാപ്പയുടെ പൊതുപരിപാടികളും കൂടിക്കാഴ്ചകളും റദ്ദാക്കിയതായും റിപ്പോർട്ടിലുണ്ട്. രോഗത്തിന്റെ വ്യാപ്തിയും തുടർചികിത്സയും സംബന്ധിച്ച കൂടുതൽ വിവരങ്ങൾ പുറത്തുവന്നിട്ടില്ല.
