അങ്കമാലി: വിരണ്ടോടിയ ആനയുടെ ചവിട്ടേറ്റ് ഒരാള്ക്ക് ദാരുണാന്ത്യം. പ്രദേശത്തുണ്ടായിരുന്ന ലോറി ഡ്രൈവർ വിഷ്ണു ആണ് മരിച്ചത്. അങ്കമാലിയില് കിടങ്ങൂര് മഹാവിഷ്ണു ക്ഷേത്രത്തിലാണ് സംഭവം നടന്നത് . ക്ഷേത്രത്തിലെത്തിച്ച ആനയെ കുളിപ്പിക്കുന്നതിനിടെയാണ് വിരണ്ടത്. മയ്യനാട് അരുണിമ പാര്ത്ഥസാരഥിയെന്ന ആനയാണ് ഇടഞ്ഞത്.
രണ്ടാം പാപ്പാന് ഗുരുതരമായി പരിക്കേറ്റു. കൊല്ലം പുത്തന്പുരയ്ക്കല് സ്വദേശി പ്രദീപിനെ അങ്കമാലി ലിറ്റില് ഫ്ളവര് ആശുപത്രിയില് പ്രവേശിപ്പിച്ചു . ആനയെ ഇതുവരെ തളച്ചിട്ടില്ല. മൃതദേഹത്തിനടുത്ത് നിലയുറപ്പിച്ചിരിക്കുകയാണ് ആന. മലയാറ്റൂരില് നിന്നുള്ള ആര്ആര്ടി സംഘം സ്ഥലത്തെത്തും.
