കുറ്റിപ്പുറം വ്യാപാരി വ്യവസായി ഏകോപനസമിതി കുറ്റിപ്പുറം യൂണിറ്റ് ദ്വൈവാർഷിക ജനറൽ ബോഡി യോഗവും ഭാരവാഹി തിരെഞ്ഞെടുപ്പും ബുധനാഴ്ച കൂരട കെ.വി.എം. കൺ വെൻഷൻ സെന്ററിൽ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. വൈകീട്ട് മൂന്നിനു ജനറൽ ബോഡി യോഗം സംസ്ഥാന വർക്കിങ് പ്രസിഡൻ്റ് പി. കുഞ്ഞാ വുഹാജി ഉദ്ഘാടനംചെയ്യും. എം.എൽ.എ.മാരായ പ്രൊഫ. ആബിദ് ഹുസൈൻ തങ്ങൾ, അഡ്വ. വി.എസ്. ജോയ്, അഡ്വ. വി.ടി. ബൽറാം എന്നിവർ വിവിധ സെഷനുകൾ ഉദ്ഘാടനം ചെയ്യും. ഫാമിലി മീറ്റിൽ സിനിമാനടി വിൻസി അലോഷ്യസ് മുഖ്യാതിഥിയായിരിക്കും എസ്.എസ്.എൽ.സി, പ്ലസ്ടു പരീക്ഷകളിൽ വിജയിച്ച വ്യാപാരികളുടെ കുട്ടികളേയും ബിസിനസ് രംഗത്ത് കഴിവുതെളിയിച്ച വ്യാപാരികളെയും അനുമോദിക്കും. വാർത്താസമ്മേളനത്തിൽ കെ.പി. അബ്ദുൾകരീം, ജൗഹർ അലി, കെ.എം. സമീർ, ഡെലിൽ ലുക്ക്, കെ.ടി. അബീഷ് എന്നിവർ പങ്കെടുത്തു.
