കോഴിക്കോട്: കുന്ദമംഗലം കൂളിമാട് പാലത്തിന്റെ നിര്ത്തിവെച്ച നിര്മ്മാണം പുനഃരാരംഭിക്കുന്നത് വിജിലന്സ് അന്വേഷണ റിപ്പോര്ട്ട് കിട്ടിയ ശേഷം മതിയെന്ന് പൊതുമരാമത്ത് വകുപ്പ് മന്ത്രി മുഹമ്മദ് റിയാസ്. ഇക്കാര്യം മന്ത്രി കാരാറുകാരായ ഊരാളുങ്കല് സൊസൈറ്റിയെ അറിയിച്ചു. പാലം പുനര്നിര്മ്മാണം ആരംഭിക്കാന് ഊരാളുങ്കല് തയ്യാറെടുക്കുന്നതിനിടെയാണ് മന്ത്രിയുടെ ഇക്കാര്യം അറിയിച്ചത്. പാലത്തിന്റെ തകര്ന്നു വീണ ബീമുകള് മാറ്റുന്ന പ്രവൃത്തി ഇന്ന് മുതല് തുടങ്ങുന്നതിന് തടസ്സമില്ല. ഹൈഡ്രോളിക് ജാക്കികള്ക്കുണ്ടായ യന്ത്രത്തകരാറാണ് അപകടത്തിന് കാരണമെന്നായിരുന്നു ഊരാളുങ്കലിന്റെ കണ്ടെത്തല്. ഇതിനപ്പുറത്തേക്ക് വിജിലന്സ് പരിശോധന റിപ്പോര്ട്ട് കിട്ടിയ ശേഷം നിര്മ്മാണം പുനരാരംഭിച്ചാല് മതിയെന്ന നിലപാടിലാണ് മന്ത്രി. ഡെപ്യൂട്ടി ചീഫ് എഞ്ചിനീയര് എം അന്സാറിന്റെ മേല്നോട്ടത്തിലുള്ള പരിശോധനയില് നിര്മ്മാണത്തിലെ ക്രമക്കേടുകള് ഉള്പ്പെടെ പരിശോധിക്കും.
