വിവാഹാവശ്യത്തിനായി സ്വര്‍ണമെടുക്കാനിരിക്കുന്നവരുടെ നെഞ്ചിടിപ്പേറ്റി ഇന്നും സംസ്ഥാനത്തെ സ്വര്‍ണവില കൂടി. ഒരു പവന് സ്വര്‍ണത്തിന് 2320 രൂപയാണ് നാല് ദിവസത്തിനിടെ വര്‍ധിച്ചത്. ഇന്ന് മാത്രം പവന് 640 രൂപയാണ് വര്‍ധിച്ചിരിക്കുന്നത്. ഒരു പവന് സ്വര്‍ണത്തിന്റെ വില ഇതോടെ 57800 രൂപയായി.
ഒരു ഗ്രാം സ്വര്‍ണത്തിന്റെ വിലയില്‍ ഇന്ന് 80 രൂപയുടെ വര്‍ധനവാണുണ്ടായത്. ഗ്രാമിന് 7225 എന്ന നിരക്കിലാണ് ഇന്നത്തെ സ്വര്‍ണവില പുരോഗമിക്കുന്നത്. 24 കാരറ്റ് സ്വര്‍ണത്തിന് ഗ്രാമിന് 7882 രൂപയും നല്‍കേണ്ടി വരും. സ്വര്‍ണവിലയില്‍ നവംബര്‍ 18 മുതല്‍ തുടര്‍ച്ചയായ കുതിപ്പാണുണ്ടാകുന്നത്.
59,080 രൂപയായിരുന്നു ഈ മാസത്തിന്റെ തുടക്കത്തില്‍ സ്വര്‍ണവില. ശേഷം ഏഴിന് 57,600 രൂപയായി താഴ്ന്ന ശേഷം ഒരുതവണ തിരിച്ചുകയറിയ സ്വര്‍ണവില പിന്നീട് ഇടിയുന്നതാണ് കണ്ടത്. കഴിഞ്ഞയാഴ്ച ഒറ്റക്കുതിപ്പായിരുന്നു.
