കരിപ്പൂർ: മൂടൽമഞ്ഞ് കാലമായതോടെ വിമാന സർവീസുകളുടെ വൈകലും റദ്ദാക്കലും ഒഴിവാക്കുന്നതിനായി കോഴിക്കോട് രാജ്യാന്തര വിമാനത്താവളത്തിൽ സമഗ്രമായ മുൻകരുതൽ നടപടികൾ ആരംഭിച്ചതായി എയർപോർട്ട് ഡയറക്ടർ മുകേഷ് യാദവ് അറിയിച്ചു. നിലവിൽ കരിപ്പൂരിൽ ദിവസവും ശരാശരി 70 സർവീസുകളുണ്ട്. കൂടുതലും രാജ്യാന്തര സർവീസുകളാണ്. കാലാവസ്ഥാ വിഭാഗം, എയർ ട്രാഫിക് കൺട്രോൾ, കമ്യൂണിക്കേഷൻ വിഭാഗങ്ങൾ നൽകുന്ന മുൻകരുതൽ നടപടികൾ നടപ്പാക്കും. യാത്ര ആരംഭിക്കുന്നതിനു മുൻപ്, വിമാനക്കമ്പനികളുടെ എസ്‌എംഎസും ഔദ്യോഗിക വെബ്‌സൈറ്റുകളും മറ്റും പരിശോധിക്കണം. ആവശ്യമായാൽ വിമാനക്കമ്പനികളുടെ കസ്റ്റമർ കെയർ നമ്പറിലൂടെയോ കൺട്രോൾ റൂമിലൂടെയോ (0483-2719491, 0483-2719591) വിവരങ്ങളും സഹായവും ലഭ്യമാക്കും.
വിവരങ്ങൾക്കു വിളിക്കാം:
ഇൻഡിഗോ (8595954742, 0483-2715027), സ്പൈസ് ജെറ്റ്: (9048777736, 001244983410, 001247101600), എയർ അറേബ്യ: (9995808952, 0483-2712500), എയർ ഇന്ത്യ എക്സ്പ്രസ് (7400331942, 7400334627), ആകാശ എയർ (8433534504), ഇത്തിഹാദ് (18001233901, 8891965009), ഫ്ലൈനാസ് (9946160707), എയർ ഏഷ്യ (7012832082), ഫ്ലൈ ദുബായ് (0483-2718480), ഒമാൻ എയർവേയ്സ് (8592909069), ഖത്തർ എയർവേയ്സ് (9995499712), സലാം എയർ (9355982852)
