ദല്ഹി: അഗ്നിപഥ് പദ്ധതിക്കെതിരെ ഡിവൈഎഫ്ഐ സംഘടിപ്പിച്ച പാര്ലമെന്റ് മാര്ച്ചില് സംഘര്ഷം. പ്രവര്ത്തകരും പൊലീസും തമ്മിലാണ് സംഘര്ഷമുണ്ടായത്. നേതാക്കളെ പൊലീസ് ബലം പ്രയോഗിച്ച് അറസ്റ്റ് ചെയ്തു നീക്കി. എ എ റഹീം എംപിയടക്കമുള്ളവരെ പൊലീസ് വലിച്ചിഴച്ചു. എം പിയാണെന്ന പരിഗണന പോലും നല്കിയില്ലെന്നും ജനാധിപത്യ രീതിയിലുള്ള പ്രതിഷേധത്തെ അടിച്ചമര്ത്താനുള്ള ശ്രമമാണ് നടന്നതെന്നും എ എ റഹീം പ്രതികരിച്ചു. മാധ്യമപ്രവര്ത്തകര്ക്ക് നേരെയും കൈയേറ്റമുണ്ടായി. പൊലീസ് മാധ്യമപ്രവര്ത്തകരില് ഒരാളുടെ കരണത്തടിച്ചു.
