രാജ്യമെമ്പാടും പ്രതിഷേധം കത്തിപ്പടരുന്നതിനിടെ അഗ്നിപഥ് പദ്ധതിയുമായി കേന്ദ്രസര്ക്കാര് മുന്നോട്ട്. പദ്ധതിയുമായി ബന്ധപ്പെട്ട പ്രവര്ത്തനങ്ങള് വിലയിരുത്തുന്നതിനായി കേന്ദ്ര പ്രതിരോധമന്ത്രി രാജ്നാഥ് സിങ് മൂന്ന് സേനാ മേധാവിമാരുടെയും യോഗം വിളിച്ചു. പ്രതിഷേധം രൂക്ഷമായതിന് ശേഷം ഇത് രണ്ടാം തവണയാണ് പ്രതിരോധമന്ത്രി സേനാധിപന്മാരുമായി കൂടിക്കാഴ്ച നടത്തുന്നത്. എത്രയും വേഗം റിക്രൂട്മെന്റ് റാലികള് ആരംഭിക്കാന് കഴിഞ്ഞാല് ഒരു പരിധി വരെ പ്രശ്നം പരിഹരിക്കാനാകുമെന്ന പ്രതീക്ഷയിലാണ് കേന്ദ്ര സര്ക്കാര്.
വിദ്യാഭ്യാസ യോഗ്യത, മൂല്യനിര്ണയം, അവധി, ലൈഫ് ഇന്ഷുറന്സ്, പ്രതിഫലം, തിരഞ്ഞെടുപ്പ് പ്രക്രിയ തുടങ്ങിയവയുമായി ബന്ധപ്പെട്ട കാര്യങ്ങള് വിവരിക്കുന്ന മാര്ഗരേഖയാണ് വ്യോമസേന പുറത്തു വിട്ടത്.
