പി.വി അന്വറിന്റെ മുന്നണി പ്രവേശനത്തില് തിടുക്കത്തില് തീരുമാനം വേണ്ടെന്ന് യുഡിഎഫ്. യുഡിഎഫിലെ എല്ലാ ഘടകകക്ഷികളുടെയും അഭിപ്രായം തേടും. ഉപതിരഞ്ഞെടുപ്പ് പ്രഖ്യാപിച്ചശേഷം പിന്തുണ സ്വീകരിക്കുന്നതില് തീരുമാനം എടുക്കും.
അന്വറിനെ തല്ക്കാലം തള്ളുകയും കൊള്ളുകയും വേണ്ട. അന്വര് വിഷയം യു.ഡി.എഫ് യോഗത്തിലും, കെ.പി.സി.സിയുടെ യോഗങ്ങളിലും ചര്ച്ച ചെയ്യും. മലപ്പുറം ഡി.സി.സിയുമായും കൂടിയാലോചന നടത്താനാണ് യുഡിഎഫ് തീരുമാനം.
അതേസമയം, നിലമ്പൂര് നിയമസഭാ മണ്ഡലത്തില് ഉപതിരഞ്ഞെടുപ്പിന് കളമൊരുങ്ങുന്നു. പതിനഞ്ചാം കേരള നിയമസഭയുടെ കാലാവധി അവസാനിക്കാന് ഒന്നേകാല് വര്ഷത്തോളം ബാക്കി ഉള്ളതിനാല് നിലമ്പൂരില് ഉപതിരഞ്ഞെടുപ്പ് നടക്കാനാണ് സാധ്യത. പി.വി അന്വറിന്റെ രാജി സ്പീക്കര് അംഗീകരിച്ചതോടെ ഇക്കാര്യം വ്യക്തമാക്കി നിയമസഭാ സെക്രട്ടേറിയറ്റ് വിജ്ഞാപനം ഇറക്കി. നിലമ്പൂര് നിയമസഭാ മണ്ഡലത്തില് ഒഴിവ് വന്ന കാര്യം സ്പീക്കര് ഇന്ന് തിരഞ്ഞെടുപ്പ് കമ്മിഷനെ അറിയിക്കും. അന്തിമതീരുമാനം എടുക്കുക തിരഞ്ഞെടുപ്പ് കമ്മീഷനാണ്.
നാടകീയ നീക്കങ്ങള്ക്കൊടുവിലാണ് പി വി അന്വര് എംഎല്എ സ്ഥാനം രാജിവച്ചത്. നിലമ്പൂരിലെ ഉപതിരഞ്ഞെടുപ്പില് മത്സരിക്കാനില്ലെന്നും യുഡിഎഫിനെ പിന്തുണയ്ക്കുമെന്നും വ്യക്തമാക്കിയ അന്വര്, ഉഇഇ പ്രസിഡന്റ് വി എസ് ജോയിയെ മണ്ഡലത്തില് സ്ഥാനാര്ഥിയാക്കണമെന്ന് ആവശ്യപ്പെട്ടു. സ്ഥാനാര്ഥിയെ കോണ്ഗ്രസും മുന്നണിയും ചേര്ന്ന് തീരുമാനിക്കുമെന്നാണ് യുഡിഎഫ് നേതാക്കളുടെ പ്രതികരണം. സിപി എംഎമ്മിന്റെ പ്രതികരണം പി വി അന്വര് ഒരു ചലനവും ഉണ്ടാക്കില്ലെന്നായിരുന്നു.
നിയമസഭാ മന്ദിരത്തില് നേരിട്ടെത്തിയാണ് സ്പീക്കര് എ എന് ഷംസീറിന് പി വി അന്വര് രാജിക്കത്ത് കൈമാറിയത്. തൃണമൂല് കോണ്ഗ്രസ് പ്രവേശനത്തിന് മുന്നോടിയായി മമതാ ബാനര്ജിയുടെ നിര്ദേശപ്രകാരമാണ് രാജിയെന്ന് പി.വി അന്വര് പറഞ്ഞു.
