രാജ്യത്ത് വാണിജ്യ എൽപിജി സിലിണ്ടറിന്റെ വില വർധിപ്പിച്ചു. സിലിണ്ടറിന് 62 രൂപ മുതൽ 71 രൂപ വരെയാണ് വർധന.
ഡൽഹിയിൽ 19 കിലോഗ്രാം വാണിജ്യ എൽപിജി സിലിണ്ടറിന്റെ വില 62 രൂപ 50 പൈസ ഉയർന്ന് 2,810 രൂപയായി. സെപ്റ്റംബറിൽ ഇത് 2,747 രൂപ 50 പൈസയായിരുന്നു.
മുംബൈയിൽ 63 രൂപയുടെ വർധനയാണ് രേഖപ്പെടുത്തിയത്. ഇതോടെ സിലിണ്ടറിന്റെ വില 2,701 രൂപയിൽ നിന്ന് 2,764 രൂപയായി.
ചെന്നൈയിൽ 65 രൂപ 50 പൈസയാണ് വർധിച്ചത്. പുതിയ വില 2,983 രൂപയായി. നേരത്തെ 2,932 രൂപയായിരുന്നു.
രാജ്യത്തെ ചില മേഖലകളിൽ വാണിജ്യ സിലിണ്ടറിന്റെ വില 3,000 രൂപ കടന്നു. ലേയിൽ വില 3,385 രൂപ 50 പൈസയിൽ നിന്ന് 3,450 രൂപയായി ഉയർന്നു. തവാങ്ങിൽ പുതിയ വില 3,073 രൂപ 50 പൈസയാണ്.
അഹമ്മദാബാദിൽ സിലിണ്ടറിന് 2,831 രൂപ 50 പൈസയും കന്യാകുമാരിയിൽ 3,046 രൂപയുമാണ് പുതിയ വില.
വിവിധ ആഘോഷങ്ങളും വിശേഷദിനങ്ങളും അടുത്തിരിക്കെയാണ് വാണിജ്യ എൽപിജി സിലിണ്ടറിന്റെ വില വർധിച്ചിരിക്കുന്നത്.
അതേസമയം, ഗാർഹിക ആവശ്യത്തിനുള്ള എൽപിജി സിലിണ്ടറിന്റെ വിലയിൽ മാറ്റമില്ല.
