മാനഭംഗ കേസിലെ പ്രതി 25 വര്‍ഷത്തിന് ശേഷം പിടിയില്‍

തിരുവനന്തപുരം: മാനഭംഗ കേസിലെ പ്രതി 25 വര്‍ഷത്തിനു ശേഷം പൊലീസിന്റെ പിടിയില്‍. ആറ്റിങ്ങല്‍ സ്വദേശി രാജുവാണ് മലപ്പുറം എടക്കര പൊലീസിന്റെ പിടിയിലായത്. സമാനമായ രണ്ട് കേസുകളാണ് പ്രതിക്കെതിരെ ഉള്ളത്. 1999 ആഗസ്റ്റ് മാസത്തിലും ഡിസംബറിലുമാണ് കേസിന് കാരണമായ സംഭവമുണ്ടായത്. പ്രതി കാസര്‍കോട് ജില്ലയിലെ രാജപുരം എന്ന സ്ഥലത്ത് ഒളിവില്‍ കഴിയുകയായിരുന്നു. ഇതിനിടെയാണ് പൊലീസ് പിടികൂടുന്നത്.