കണ്ണൂർ: തലശ്ശേരിയിലെ ഗവ. ചിൽഡ്രൻസ് ഹോമിൽ നിന്ന് നാല് പെൺകുട്ടികളെ കാണാതായി. ബുധനാഴ്ച പുലർച്ചെയാണ് കുട്ടികൾ ചിൽഡ്രൻസ് ഹോമിൽ നിന്ന് പുറത്തുപോയത്. രാത്രി 12.30നും ഒന്നിനും ഇടയിലാണ് പെൺകുട്ടികളെ കാണാതായതെന്നാണ് വിവരം. സംഭവത്തിൽ പൊലീസ് അന്വേഷണം ഊർജിതമാക്കി. ചിൽഡ്രൻസ് ഹോമിലെയും പരിസരപ്രദേശങ്ങളിലെയും സിസിടിവി ദൃശ്യങ്ങൾ പൊലീസ് പരിശോധിച്ചുവരികയാണ്. കുട്ടികളെ ഏറെക്കുറെ കണ്ടെത്തിയതായാണ് പൊലീസ് നൽകുന്ന വിവരം. നേരത്തെയും ഇതിൽ ഒരാൾ ചിൽഡ്രൻസ് ഹോമിൽ നിന്ന് പുറത്തുപോയിരുന്നുവെന്നും അധികം വൈകാതെ കുട്ടികളെ കണ്ടെത്താനാകുമെന്നാണ് പ്രതീക്ഷയെന്നും പൊലീസ് അറിയിച്ചു.
