സിനിമയിൽ മാത്രമല്ല, ജീവിതത്തിലും ‘ഏഴൈ തോഴൻ’ എന്ന വിശേഷണത്തിന് യോജിച്ച പെരുമാറ്റം…
മേട്ടൂർ അണക്കെട്ടിന്റെ ഷട്ടറുകൾ തുറക്കാനെത്തിയ തമിഴ്നാട് മുഖ്യമന്ത്രി സി. ജോസഫ് വിജയ്, കർഷകന്റെ വീട് സന്ദർശിക്കുന്നതിനിടെയാണ് വയോധികയുമായി കൂടിക്കാഴ്ച നടത്തിയത്.
സ്നേഹത്തോടെ വിജയ്യുടെ അരികിലെത്തിയ വയോധികയ്ക്ക്, താൻ ധരിച്ചിരുന്ന സൺഗ്ലാസ് സമ്മാനിക്കുകയായിരുന്നു വിജയ്.
വയോധിക സൺഗ്ലാസ് ധരിച്ച് വിജയ്യുടെ കൈപിടിച്ച് നടന്നുപോകുന്ന ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നത്.
വിജയ് സമ്മാനിച്ചത് ക്രിസ്റ്റ്യൻ ഡിയോർ ബ്രാൻഡിന്റെ സൺഗ്ലാസാണെന്നും, വിപണിയിൽ ഇതിന് 50,000 രൂപയിലേറെ വിലയുണ്ടെന്നും സോഷ്യൽ മീഡിയയിൽ പ്രചാരണമുണ്ട്.
രാഷ്ട്രീയ പ്രവേശനത്തിന് പിന്നാലെ വിജയ്ക്കെതിരെ ഉയർന്ന വിമർശനങ്ങൾക്കിടയിലും, ജനങ്ങൾക്കിടയിൽ നേരിട്ടെത്തുന്ന ഇത്തരം ഇടപെടലുകൾ ശ്രദ്ധ നേടുകയാണ്.
കാവേരി ഡെൽറ്റയിലെ കർഷകർക്ക് ജലസേചനത്തിനായി മേട്ടൂർ അണക്കെട്ടിന്റെ ഷട്ടറുകൾ തുറന്നതോടെ 12 ജില്ലകളിലെ കർഷകർക്ക് പ്രയോജനം ലഭിക്കും.
കർണാടകയുമായുള്ള കാവേരി നദീജല തർക്കം തുടരുന്നതിനിടെയാണ് മേട്ടൂർ അണക്കെട്ട് തുറന്നതെന്നതും ശ്രദ്ധേയമാണ്.
വയോധികയോടുള്ള വിജയ്യുടെ ഈ സ്നേഹപ്രകടനത്തിന്റെ ദൃശ്യങ്ങൾ ഇതിനോടകം തന്നെ സമൂഹമാധ്യമങ്ങളിൽ വൈറലായിക്കഴിഞ്ഞു.
