നിയമസഭാ തിരഞ്ഞെടുപ്പിൽ UDF അധികാരത്തിൽ വരുമെന്ന് പി കെ കുഞ്ഞാലിക്കുട്ടി. LDF നേതാക്കളിൽ ആത്മവിശ്വാസകുറവ് പ്രകടം. അത് അവരുടെ വാക്കുകൾ കേട്ടാൽ തന്നെ മനസിലാകും. ഉപമുഖ്യമന്ത്രി സ്ഥാനം ലീഗ് ആവശ്യപ്പെട്ടില്ല.
അത്തരം ചർച്ചകൾ വരാൻ ഇപ്പോൾ ആഗ്രഹിക്കുന്നില്ല. UDF അനുകൂല തരംഗം ഉണ്ട്.100 സീറ്റിന് സാധ്യത ഉണ്ട്. ആശയവിനിമയം നടത്തി തന്നെയാണ് വിഡി സതീശൻ പറഞ്ഞത്. സതീശൻ പറഞ്ഞ കണക്കിൽ തന്നെയെത്തും. കോഴിക്കോട് ജില്ലയിൽ അടക്കം മുഴുവൻ സീറ്റിലും പ്രതീക്ഷയുണ്ടെന്നും പി കെ കുഞ്ഞാലിക്കുട്ടി വ്യക്തമാക്കി.
മികച്ച പോളിംഗ് ഉള്ളപ്പോൾ എല്ലാം യു ഡി എഫ് മികച്ച വിജയം കൈവരിച്ചിട്ടുണ്ടെന്ന് പാണക്കാട് സാദിഖ് അലി തങ്ങൾ പറഞ്ഞു. റെക്കോർഡ് ഭൂരിപക്ഷം ആണ് തുടക്കം മുതലേ പറഞ്ഞിട്ടുള്ളത്. അതിന് അനുകൂല ട്രെൻഡ് തന്നെയാണ് ഉണ്ടാവുക. ലീഗിന് കഴിഞ്ഞ തവണത്തെക്കാൾ കൂടുതൽ സീറ്റുകൾ കിട്ടുമെന്നും അദ്ദേഹം പറഞ്ഞു.
