വാഹനാപകടത്തിൽ പരിക്കേറ്റ് ചികിത്സയിലായിരുന്ന മലപ്പുറം ജില്ല പുലാമന്തോൾ ചെമ്മലശ്ശേരിയിലെ വേങ്ങമണ്ണിൽ പെരിയംതടത്തിൽ ഡോ. ഹൈറൂൺ ഷാന ( 23 ) കോഴിക്കോട്ടെ ആശുപത്രിയിൽ മരണപ്പെട്ടു. പുലാമന്തോൾ ഗ്രാമ പഞ്ചായത്ത് മുൻ പ്രസിഡണ്ടും സി പി ഐ എം നേതാവുമായ വി.പി. ഹനീഫയുടെ മകളാണ്. ചട്ടിപ്പറമ്പ് വട്ടപ്പറമ്പ് എം.എസ് എസ് ഭവനിലെ സ്പീച്ച് തെറാപ്പിസ്റ്റ് ആയിരുന്ന ഡോക്ടർ ഹൈറൂൺ ഷാന ദിവസങ്ങൾക്കു മുൻപ് മാലാപറമ്പിൽ ഉണ്ടായ വാഹനാപകടത്തിൽ സാരമായ പരിക്ക് പറ്റി ചികിത്സയിലായിരുന്നു. ഖബറടക്കം ഞായറാഴ്ച്ച ചെമ്മലശ്ശേരി മഹല്ല് ജുമാ മസ്ജിദ് ഖബർ സ്ഥാനിൽ നടത്തും.മാതാവ് വിളക്കത്തിൽ ഹസീന,സഹോദരങ്ങൾ: ഹൈറുൻ ഹിബ, മുഹമ്മദ്‌ ആഹിൽ, ഹൈറുൻ ഫാത്തിമ.
