ഗള്‍ഫിലേക്ക് നഴ്‌സുമാരെ റിക്രൂട്ട് ചെയ്യുന്നത് തീവ്രവാദികള്‍ക്ക് ലൈംഗികസേവയ്ക്ക് വേണ്ടിയാണെന്ന സംഘ്പരിവാര്‍ സംഘടനയായ കേരളീയം ഖത്തറിന്റെ പ്രസിഡന്റും സംസ്ഥാന സര്‍ക്കാരിനു കീഴിലുള്ള ഖത്തര്‍ മലയാളം മിഷന്‍ കോഡിനേറ്ററുമായ ദുര്‍ഗാദാസ് ശിശുപാലന്റെ നുണ- വിദ്വേഷ പ്രചരണത്തിനെതിരേ ഖത്തറിലെ ഇന്ത്യന്‍ നഴ്‌സുമാരുടെ സംഘടനയായ യുനൈറ്റഡ് നഴ്‌സസ് ഓഫ് ഇന്ത്യയുടെ ഖത്തര്‍ ചാപ്റ്റര്‍.
ദുര്‍ഗാദാസിന്റെ പ്രസ്താവന അംഗീകരിക്കാനാവാത്തതാണെന്നു വ്യക്തമാക്കിയ സംഘടന വിഷയം ഖത്തര്‍ സര്‍ക്കാരിന്റെ ശ്രദ്ധയില്‍പ്പെടുത്തിയതായും നടപടി എടുക്കാന്‍ അഭ്യര്‍ഥിച്ചതായും യുഎന്‍ഐക്യു പ്രസിഡന്റ് മിനി സുബി, ജനറല്‍ സെക്രട്ടറി സാബിദ് പാമ്പാടി എന്നിവര്‍ പ്രസ്താവനയില്‍ അറിയിച്ചു. ഇതേ ആവശ്യം മുഖ്യമന്ത്രി പിണറായി വിജയനെയും അറിയിച്ചതായും പ്രസ്താവന ചൂണ്ടിക്കാട്ടുന്നു.
