പൂന്താനം സ്മാരക സമിതി സംഘടിപ്പിക്കുന്ന പൂന്താനം ദിനാഘോഷവും കവിസദസ്സും ഞായറാഴ്ച നടക്കും. കീഴാറ്റൂരിലെ പൂന്താനം സ്മാരക ഗ്രന്ഥാലയം ഓഡിറ്റോറിയത്തില്‍ പകല്‍ 2.30-ന് ആരംഭിക്കുന്ന പരിപാടി നജീബ് കാന്തപുരം എം.എല്‍.എ. ഉദ്ഘാടനംചെയ്യും.വനമിത്ര പുരസ്‌കാരജേതാവ് സി. ഷര്‍മിള, ഗായകന്‍ കെ.ആര്‍. അഭിനന്ദ് എന്നിവരെ ചടങ്ങില്‍ അനുമോദിക്കും. തുടര്‍ന്ന് കവിസദസ്സും നടക്കും.
ഗുരുവായൂര്‍ ദേവസ്വം കീഴേടം പൂന്താനം മഹാവിഷ്ണു-കൃഷ്ണ ക്ഷേത്രത്തില്‍ ഗുരുവായൂര്‍ ദേവസ്വത്തിന്റെയും ഇല്ലം ക്ഷേത്രം സംരക്ഷണസമിതിയുടെയും നേതൃത്വത്തില്‍ പൂന്താനം
ദിനാഘോഷം ഞായറാഴ്ച നടക്കും. ആഘോഷത്തിന്റെ ഭാഗമായി ക്ഷേത്രത്തില്‍ ഗണപതിഹോമം, മലര്‍നിവേദ്യം, കാഴ്ചശീവേലി, എന്നിവയുണ്ടാകും.തുടര്‍ന്ന് ആനയൂട്ട്, അന്നദാനം എന്നിവയുമുണ്ടാകും. വൈകീട്ട് 4.30-ന് ക്ഷേത്രത്തില്‍നിന്ന് ഇല്ലത്തേക്ക് മൂന്ന് ആനകളുടെ അകമ്പടിയോടെ ഘോഷയാത്ര നടക്കും. 6.30-ന് നടക്കുന്ന സമ്മേളനം സംവിധായകന്‍ മേലാറ്റൂര്‍ രവിവര്‍മ ഉദ്ഘാടനംചെയ്യും. കലാപരിപാടികളും അരങ്ങേറും.
