കണ്ണൂര്‍: മങ്കി പോക്‌സ് സ്ഥിരീകരിച്ച യുവാവിന്റെ സമ്പര്‍ക്കത്തിലുള്ളവര്‍ നിരീക്ഷണത്തില്‍. കുടുംബാഗങ്ങളും ടാക്‌സി ഡ്രൈവറുമാണ് കര്‍ശന നിരീക്ഷണത്തിലുള്ളത്. മംഗലാപുരത്തു നിന്നും ബന്ധുവായ ടാക്‌സി ഡ്രൈവര്‍ക്കൊപ്പമായിരുന്നു യുവാവ് കണ്ണൂരിലെത്തിയത്. വിമാനത്തില്‍ കൂടെ യാത്ര ചെയ്ത കാസര്‍ഗോഡ് സ്വദേശികള്‍ക്ക് യുവാവുമായി സമ്പര്‍ക്കമില്ലെന്ന് കണ്ടെത്തി.ജൂലൈ 13ന് ദുബായില്‍ നിന്നെത്തിയ യുവാവിനാണ് രോഗം സ്ഥിരീകരിച്ചത്.ദുബായില്‍ നിന്ന് മംഗലാപുരം എയര്‍പ്പോര്‍ട്ടിലാണ് ഇയാള്‍ വന്നിറങ്ങിയതെന്നാണ് വിവരം. ലക്ഷണങ്ങളെത്തുടര്‍ന്ന് ആശുപത്രിയില്‍ പ്രവേശിപ്പിച്ചപ്പോഴാണ് രോഗം സ്ഥിരീകരിച്ചത്.
