കേരളത്തിലേക്ക് എംഡിഎംഎ എത്തിക്കുന്ന സംഘത്തിലെ പ്രധാനി തിരുവനന്തപുരത്ത് പിടിയിൽ. കൊല്ലം കുളത്തൂർക്കോണം സ്വദേശി നന്ദുവിനെയാണ് പൊലീസ് പിടികൂടിയത്.
ബെംഗളൂരുവിൽ നിന്ന് കേരളത്തിലേക്ക് എത്തുന്നവർക്ക് എംഡിഎംഎ ഉൾപ്പെടെയുള്ള ലഹരിവസ്തുക്കൾ എത്തിച്ചുനൽകുന്ന സംഘത്തിലെ പ്രധാനിയാണ് നന്ദുവെന്നാണ് പൊലീസ് പറയുന്നത്.
രണ്ടാഴ്ച മുമ്പ് പാറശ്ശാലയിൽ എംഡിഎംഎയുമായി കാട്ടാക്കട സ്വദേശി വിഷ്ണുവിനെ പൊലീസ് പിടികൂടിയിരുന്നു. ഇയാളെ ചോദ്യം ചെയ്തതിൽ നിന്നാണ് കേരളത്തിലേക്ക് എംഡിഎംഎ എത്തിക്കുന്ന സംഘത്തിലെ പ്രധാനിയായ നന്ദുവിനെക്കുറിച്ച് പൊലീസിന് വിവരം ലഭിച്ചത്.
തുടർന്ന് നടത്തിയ അന്വേഷണത്തിലാണ് നന്ദുവിനെ ചാക്കയിലെ സ്വകാര്യ ഹോട്ടൽ മുറിയിൽ നിന്ന് പൊലീസ് പിടികൂടിയത്.
കേരളത്തിൽ നിന്ന് ലഹരി തേടി ബെംഗളൂരുവിലെത്തുന്നവർക്ക് എംഡിഎംഎ ഉൾപ്പെടെയുള്ള ലഹരിവസ്തുക്കൾ എത്തിച്ചുനൽകുന്ന സംഘത്തിലെ പ്രധാനിയാണ് നന്ദുവെന്ന് പാറശ്ശാല പൊലീസ് അറിയിച്ചു.
തിരുവനന്തപുരം, കൊല്ലം ജില്ലകളിലായി നന്ദുവിനെതിരെ പത്തിലധികം ലഹരിക്കേസുകളുണ്ട്. നിരവധി തവണ ലഹരിവസ്തുക്കളുമായി നന്ദുവിനെ പൊലീസ് കസ്റ്റഡിയിലെടുത്തിട്ടുണ്ടെന്നും പൊലീസ് വ്യക്തമാക്കി.
ഇന്നലെ രാത്രിയോടെ പാറശ്ശാല എസ്.ഐ ബിനുവിന്റെ നേതൃത്വത്തിലുള്ള പൊലീസ് സംഘം എംഡിഎംഎ വാങ്ങാനെന്ന വ്യാജേന ഹോട്ടലിലെത്തിയാണ് നന്ദുവിനെ പിടികൂടിയത്.
പ്രതിയെ ഇന്ന് കോടതിയിൽ ഹാജരാക്കും.
