ആലപ്പുഴ: ആലപ്പുഴയിലെ പോപ്പുലര് ഫ്രണ്ടിന്റെ റാലിയില് വെച്ച് പത്ത് വയസുകാരനായ കുട്ടി വിദ്വേഷ മുദ്രാവാക്യം വിളിച്ച കേസില് അച്ഛന് കസ്റ്റഡിയില്. കൊച്ചി പള്ളുരുത്തിയിലെ വീട്ടില് നിന്നാണ് കുട്ടിയുടെ പിതാവ് അസ്ക്കര് അലിയെ കസ്റ്റഡിയിലെടുത്തത്. പോപ്പുലര് ഫ്രണ്ട് പ്രവര്ത്തകനായ ഇയാളെ ആലപ്പുഴയിലേക്ക് കൊണ്ടുവരും. ആലപ്പുഴയില് നിന്നുള്ള പൊലീസ് സംഘവും കൊച്ചിയിലെത്തിയിട്ടുണ്ട്.
മുദ്രാവാക്യം ആരും പഠിപ്പിച്ചതല്ലെന്നും താന് സ്വയം കേട്ട് പഠിച്ചതാണെന്നുമാണ് പത്ത് വയസുകാരന്റെ പ്രതികരണം. ഇത് തന്നെയാണ് കുട്ടിയുടെ അച്ഛനും ആവര്ത്തിക്കുന്നത്. മകനെ മുദ്രാവാക്യം പഠിപ്പിച്ചതല്ലെന്നും പോപ്പുലര് ഫ്രണ്ട് പരിപാടികളില് കുടുംബ സമേതം പങ്കെടുക്കാറുണ്ടെന്നും മതവികാരം വ്രണപ്പെടുത്തിയിട്ടില്ലെന്നും കുട്ടിയുടെ അച്ഛനും പറഞ്ഞു.
കഴിഞ്ഞ ദിവസമാണ് ആലപ്പുഴയില് പോപ്പുലര് ഫ്രണ്ട് റാലിക്കിടെ പത്ത് വയസുകാരനായ ആണ്കുട്ടി പ്രകോപനപരമായ മുദ്രാവാക്യം വിളിച്ചത്
