ഇടുക്കി നെടുങ്കണ്ടത്ത് തൂവല് വെള്ളച്ചാട്ടത്തിനു സമീപം രണ്ടു വിദ്യാര്ത്ഥികളെ മരിച്ച നിലയില് കണ്ടെത്തി. കല്ലാര് താന്നിമൂട് കുന്നപ്പള്ളില് സെബിന് സജി(19), സന്യാസിയോട കുന്നതുമലയില് അനില രവീന്ദ്രന്(16) എന്നിവരാണ് മരിച്ചത്. ശനിയാഴ്ചയാണ് ഇവര് തൂവല് വെള്ളച്ചാട്ടത്തിലെത്തിയത്. കാല് തെന്നി താഴേക്കുവീണതെന്നാണ് പ്രാഥമിക നിഗമനം. അനില പ്ലസ് വണ് വിദ്യാര്ഥിനിയും സെബിന് ഡിഗ്രി രണ്ടാം വര്ഷ വിദ്യാര്ഥിയുമാണ്. മൃതദേഹം നെടുങ്കണ്ടം താലൂക്ക് ആശുപത്രിയില്.