നിരക്കുവര്ധന ആവശ്യപ്പെട്ട് 7000-ത്തോളം സ്വകാര്യ ബസുകള് പണിമുടക്ക് തുടങ്ങി. എന്നാല് പരീക്ഷാക്കാലത്തെ സമരം വിദ്യാര്ഥികളെ ബുദ്ധിമുട്ടിലാക്കി.
കെ.എസ്.ആര്.ടി.സി. കൂടുതല് ബസുകള് ഓടിക്കാന് തീരുമാനിച്ചെങ്കിലും ആവശ്യത്തിന് ബസും ജീവനക്കാരും ഇല്ലാത്തത് തിരിച്ചടിയാണ്.
സ്വകാര്യബസ് നിരക്കുവര്ധന നടപ്പാക്കാമെന്ന് സമ്മതിച്ച് നാലുമാസം കഴിഞ്ഞിട്ടും അത് നടപ്പാക്കാത്ത സാഹചര്യത്തിലാണ് അനിശ്ചിതകാല പണിമുടക്ക് നടത്തുന്നതെന്ന് ബസ് ഉടമകളുടെ പ്രതിനിധികള്. മിനിമം ചാര്ജ് എട്ട് രൂപയില് നിന്ന് 12 രൂപയാക്കണമെന്നാണ് ബസുടമകളുടെ ആവശ്യം.
