തിരുവനന്തപുരം: സംസ്ഥാന സർക്കാരിന്റെ ഔദ്യോഗിക വെബ്സൈറ്റ് ഹാക്ക് ചെയ്യപ്പെട്ടു. പൊതുഭരണ വകുപ്പുമായി ബന്ധപ്പെട്ട കാര്യങ്ങൾ പ്രസിദ്ധീകരിക്കുന്ന പ്രധാന വെബ്സൈറ്റാണ് ഹാക്കർമാരുടെ പിടിയിലായത്. വെബ്സൈറ്റിൽ പാകിസ്ഥാൻ അനുകൂല മുദ്രാവാക്യങ്ങൾ പ്രസിദ്ധീകരിച്ചിട്ടുണ്ട്.
‘ടീം ബ്ളാക്ക്ലീറ്റ്സ്’ (Team BlackLists) എന്ന ഹാക്കർ ഗ്രൂപ്പാണ് ഇതിന് പിന്നിലെന്നാണ് ലഭിക്കുന്ന വിവരം. സംഭവം ശ്രദ്ധയിൽപ്പെട്ടയുടൻ തന്നെ വെബ്സൈറ്റ് പൂർവസ്ഥിതിയിലാക്കാനുള്ള സൈബർ സെല്ലിന്റെയും ബന്ധപ്പെട്ട വകുപ്പുകളുടെയും നേതൃത്വത്തിലുള്ള അടിയന്തര നടപടികൾ ആരംഭിച്ചിട്ടുണ്ട്. സുരക്ഷാ വീഴ്ചയെക്കുറിച്ചുള്ള കൂടുതൽ പരിശോധനകൾ പുരോഗമിക്കുകയാണ്.
