തൃശൂര് : പ്രായപൂര്ത്തിയാകാത്ത പെണ്കുട്ടികള്ക്ക് അശ്ലീല വീഡിയോകള് കാണിച്ച് ലൈംഗികാതിക്രമം നടത്തിയ കേസില് അയ്യന്തോള് സ്വദേശി കുന്നമ്പത്ത് വീട്ടില് ദേവരാജനെ (59) അന്തിക്കാട് പോലീസ് അറസ്റ്റ് ചെയ്തു. പ്രതി സര്ക്കാര് സ്കൂളിലെ പാര്ട്ട് ടൈം സ്വീപ്പറാണ്. നാലോളം പെണ്കുട്ടികള്ക്ക് നേരെയാണ് പ്രതി അതിക്രമം നടത്തിയത്. രക്ഷിതാക്കളോട് വിദ്യാര്ത്ഥിനികള് വിവരം പറഞ്ഞതിനെത്തുടര്ന്ന് അധ്യാപകര് അന്തിക്കാട് പോലീസില് പരാതി നല്കുകയായിരുന്നു. എസ്ഐ കെ. അജിത്തിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടി കൂടിയത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
