രാജ്യത്ത് വാണിജ്യാവശ്യത്തിനുള്ള എല്‍പിജി സിലിണ്ടര്‍ വില വീണ്ടും കൂട്ടി. 61 രൂപ 50 പൈസയാണ് 19 കിലോ സിലിണ്ടറിന് വര്‍ധിപ്പിച്ചിരിക്കുന്നത്. ഗാര്‍ഹിക സിലിണ്ടറിന്റെ വിലയില്‍ മാറ്റമില്ല. 1810 രൂപ 50 പൈസയാണ് കൊച്ചിയിലെ വില. നേരത്തെ 1749 രൂപയായിരുന്നു.
ഡല്‍ഹിയില്‍ വാണിജ്യാവശ്യത്തിനുള്ള പാചക വാതക സിലിണ്ടറിന്റെ വില 1802 രൂപയായി. 1754 രൂപ മുംബൈയിലും, കൊല്‍ക്കത്തയില്‍ 1911 രൂപയുമായാണ് വില ഉയര്‍ന്നത്.
വാണിജ്യാവശ്യത്തിനുള്ള പാചക വാതക സിലിണ്ടറിന്റെ വിലയില്‍ കഴിഞ്ഞമാസം 50 രൂപയുടെ വര്‍ധനയാണ് ഉണ്ടായത്. 39 രൂപയാണ് സെപ്തംബറില്‍ വര്‍ധിപ്പിച്ചത്. 157.50 രൂപയാണ് നാലുമാസത്തിനിടെ കൂടിയത്.
