തിരുവനന്തപുരം: പ്ലസ്ടു, വിഎച്ച്എസ്ഇ പരീക്ഷാ ഫലം വിദ്യാഭ്യാസ മന്ത്രി വി.ശിവന്കുട്ടി പ്രഖ്യാപിച്ചു.ആകെ 2028 സ്കൂളുകളിലായി 3,61,901 പേര് പരീക്ഷ എഴുതിയതില് 3,02,865 പേര് ഉന്നത വിജയം നേടി. വിജയശതമാനം 83.87 ശതമാനം. കഴിഞ്ഞ വര്ഷം 87.94 ശതമാനമായിരുന്നു വിജയശതമാനം. ജൂലൈ 25 മുതല് സേ പരീക്ഷ നടത്തും.20 ദിവസം കൊണ്ട്
ടാബുലേഷന് പൂര്ത്തിയാക്കി ഫലം പ്രഖ്യാപിക്കാനായെന്ന് മന്ത്രി പറഞ്ഞു.
സര്ക്കാര് സ്കൂളില് 81.72% വും എയ്ഡഡ് സ്കൂളില് 86.02% വും അണ് എയ്ഡ്ഡ് സ്കൂളില് 81.12% വും ടെക്നിക്കല് സ്കൂളില് 68.71% വും ആണ് വിജയം. ഏറ്റവും കൂടുതല് വിജയശതമാനം കോഴിക്കോട് ജില്ലയിലാണ് (87.79%).ഏറ്റവും കൂടുതല് എ പ്ലസ് നേടിയ ജില്ല മലപ്പുറമാണ്.
വിജയശതമാനം കുറഞ്ഞ ജില്ല വയനാടാണ് (75.07%). 78 സ്കൂളുകളാണ് നൂറുമേനി വിജയം നേടിയത്. എല്ലാ വിഷയങ്ങളിലും എ പ്ലസ് നേടിയത് 28,480 വിദ്യാര്ത്ഥികളാണ്. വിഎച്ച്എസിയില് വിജയ ശതമാനം 78.26% ആണ്. കഴിഞ്ഞതവണ 79.62 ആയിരുന്നു.
