വെട്ടിച്ചിറ ടോൾ പ്ലാസയിയിലെ നിയമവിരുദ്ധ ടോൾ പിരിവ് നിർത്തലാക്കണമെന്നാവശ്യപ്പെട്ട് എസ്.ഡി.പി.ഐ നാളെ (08/02/2026 – ഞായർ) ടോൾ പ്ലാസയിലേക്ക് മാർച്ച് നടത്തും. ദേശീയ പാതയുടെ പണി പൂർണ്ണമായും പൂർത്തിയാക്കാതെയാണ് വെട്ടിച്ചിറയിൽ അധികൃതർ ടോൾ പിരിച്ചെടുക്കുന്നത്. നിലവിൽ കുറ്റിപ്പുറം, കൂരിയാട് ഭാഗങ്ങളിൽ ഇനിയും പണികൾ പൂർത്തീകരിക്കാനുണ്ട്. വട്ടപ്പാറ, ചുങ്കം എന്നിവിടങ്ങളിൽ സർവീസ് റോഡിന്റെ നിർമ്മാണം ഇതുവരെയും തുടങ്ങിയിട്ട് പോലുമില്ല. ഇത്തരമൊരു സാഹചര്യത്തിൽ ടോൾ പിരിക്കാനുള്ള നീക്കം നിയമവിരുദ്ധമാണ്.
എസ്.ഡി.പി.ഐ തിരൂർ മണ്ഡലം കമ്മിറ്റിയുടെ നേതൃത്വത്തിൽ നാളെ വൈകുന്നേരം 4:30ന് നടക്കുന്ന മാർച്ച് SDPI തിരൂർ മണ്ഡലം പ്രസിഡന്റ് നിസാർ അഹമ്മദ് ഉദ്ഘാടനം ചെയ്യും. മണ്ഡലം സെക്രട്ടറി ഷമീർ കെ.സി, ആതവനാട് പഞ്ചായത്ത് പ്രസിഡന്റ് അഷ്റഫ് പുത്തനത്താണി, വൈസ് പ്രസിഡന്റ് മുബാറക് സി.കെ എന്നിവർ സംസാരിക്കും.
