ദേശീയപാതാ നിര്മാണത്തിലെ വിവാദങ്ങള്ക്കിടെ ഡല്ഹിയില് കേന്ദ്ര ഉപരിതല ഗതാഗത മന്ത്രി നിതിന് ഗഡ്കരിയുമായി മുഖ്യമന്ത്രി പിണറായി വിജയന്റെ നിര്ണായക കൂടിക്കാഴ്ച. പൊതുമാരാമത്ത് മന്ത്രി പി.എ മുഹമ്മദ് റിയാസും ഡല്ഹിയിലെ കേരളത്തിന്റെ പ്രത്യേക പ്രതിനിധി കെ.വി തോമസും കൂടിക്കാഴ്ചയില് പങ്കെടുക്കുത്തു.
ദേശീയപാത നിര്മ്മാണം ഡിസംബറിനകം പൂര്ത്തിയാക്കണമെന്ന് സംസ്ഥാനം ആവശ്യപ്പെട്ടു. പോസിറ്റീവ് ആയ മറുപടി കേന്ദ്ര ഉപരിതല ഗതാഗത മന്ത്രി നല്കിയെന്നും വിവരമുണ്ട്. ദേശീയപാതയിലെ അപാകതയില് തുടര്നടപടികള് ഉണ്ടാകും. സ്ഥലം ഏറ്റെടുപ്പിന് നല്കിയ തുക കടമെടുപ്പ് പരിധിയില് നിന്ന് ഒഴിവാക്കാന് ഇടപെടണമെന്ന് സംസ്ഥാനം കേന്ദ്ര ഗതാഗത മന്ത്രിയോട് ആവശ്യപ്പെട്ടു. ചീഫ് സെക്രട്ടറി എ ജയതിലക്, മരാമത്ത് വകുപ്പ് സെക്രട്ടറി കെ ബിജു എന്നിവരും കൂടിക്കാഴ്ചയില് പങ്കെടുത്തു.
