മലപ്പുറം: സ്ത്രീയും പുരുഷനും തുല്യരല്ലെന്ന വിവാദ പരാമര്ശവുമായി മുസ്ലീംലീഗ് സംസ്ഥാന ജനറല് സെക്രട്ടറി പിഎംഎ സലാം. തുല്യമാണെന്ന വാദം കണ്ണടച്ച് ഇരുട്ടാക്കലാണ്. തുല്യമാണെന്ന് ലോകം അംഗീകരിച്ചിട്ടില്ല. സമൂഹത്തില് കയ്യടി കിട്ടാനാണ് ഈ വാദം ചിലര് ഉയര്ത്തുന്നതെന്നും പിഎംഎ സലാം പറഞ്ഞു. മലപ്പുറം എടക്കരയില് മാധ്യമ പ്രവര്ത്തകരോട് സംസാരിക്കുമ്പോഴാണ് ലീഗ് നേതാവിന്റെ വിവാദ പരാമര്ശമുണ്ടായത്.
സ്ത്രീക്ക് സാമൂഹ്യനീതിയാണ് വേണ്ടത്. സ്ത്രീക്കും പുരുഷനും തുല്യനീതി വേണം. ഇക്കാര്യത്തില് മുസ്ലീം ലീഗിന് വ്യക്തമായ നയമുണ്ട്. ജന്ഡര് ഈക്വാളിറ്റിയല്ല. ജന്ഡര് ജസ്റ്റീസാണ് ലീഗ് നയം. സ്ത്രീയും പുരുഷനും എല്ലാ നിലയ്ക്കും തുല്യമാണെന്ന് പറയാന് കഴിയുമോ? ബസ്സില് പ്രത്യേക സീറ്റല്ലേ, സ്കൂളില് പോലും ഇരിക്കുന്നത് ഒരേ ബെഞ്ചിലാണോ, വേറേയല്ലേ? ഇതെല്ലാം രണ്ടും വ്യത്യസ്ഥമായത് കൊണ്ടല്ലേയെന്നും പിഎംഎ സലാം പറഞ്ഞു.
