കൊച്ചി: ഹേമ കമ്മിറ്റി റിപ്പോര്ട്ട് പുറത്തുവിടുമ്പോള് നടുക്കുന്ന സത്യങ്ങളാണ് പുറത്തുവരുന്നത്. സിനിമാ രംഗത്തുള്ളത് പുറമേയുള്ള തിളക്കം മാത്രമെന്നും താരങ്ങള് ചന്ദ്രനെപ്പോലെ സുന്ദരന്മാരല്ലെന്നും റിപ്പോര്ട്ടില് പറയുന്നു. സിനിമയില് പവര് ഗ്രൂപ്പ് ഉണ്ട്. സഹകരിക്കുന്ന നടിമാര്ക്ക് പ്രത്യേക കോഡ് പേരുണ്ട്. വഴിവിട്ട കാര്യം ചെയ്യാന് സംവിധായകരും നിര്മാതാക്കളും നിര്ബന്ധിക്കും. ആരെയും നിരോധിക്കാന് ശക്തിയുള്ളവരാണിവര്. അവസരം കിട്ടാന് വിട്ടുവീഴ്ച ചെയ്യണം. പൊലീസ് ഇടപെടാതെ മാറി നിന്നു എന്നാണ് ഒരു നടി നല്കിയ മൊഴി. സിനിമാ മേഖലയില് നടക്കുന്ന എല്ലാ മോശം സംഭവങ്ങളെക്കുറിച്ചും റിപ്പോര്ട്ടില് വ്യക്തമാക്കുന്നു. ക്രിമിനലുകളാണ് സിനിമാ ലോകം നിയന്ത്രിക്കുന്നത്.
മലയാള സിനിമയില് കാസ്റ്റിംഗ് കൗച്ച് ഉണ്ട്. ചൂഷണത്തിന്റെ വേദന നിറഞ്ഞ കഥകളും തേങ്ങലുകളുമാണ് മേഖലയില്. ക്രിമിനല് ബാക്ക് ഗ്രൗണ്ട് പരിശോധിക്കാന് സംവിധാനങ്ങളില്ല. ഇതൊന്നും പരിഹരിക്കാന് പൊലീസ് ഇടപെടലോ മറ്റോ നടക്കുന്നില്ലെന്നും റിപ്പോര്ട്ടില് വ്യക്തമാക്കുന്നു. വനിതകള് അടിമുടി വിവേചനം നേരിടുന്നുവെന്നും സിനിമാ മേഖലയില് വ്യാപക ലൈംഗിക ചൂഷണം നടക്കുന്നുവെന്നും റിപ്പോര്ട്ടിലുണ്ട്.
