കളമശ്ശേരിയില് യഹോവ സാക്ഷികളുടെ കണ്വെന്ഷനിടെ ഉണ്ടായ സ്ഫോടനത്തില് ഒരാള് കൂടി മരിച്ചു. ആലുവ തൈക്കാട്ടുകാര സ്വദേശി മോളി ജോയ് ആണ് മരിച്ചത്. എറണാകുളം മെഡിക്കല് സെന്റര് ആശുപത്രിയില് ചികിത്സയിലായിരുന്നു. ഇന്ന് (തിങ്കളാഴ്ച്ച) പുലര്ച്ചെ അഞ്ചരയോടെയായിരുന്നു മരണം. ഇതോടെ സ്ഫോടനത്തില് മരിച്ചവരുടെ എണ്ണം നാലായി.
പെരുമ്പാവൂര് ഇരിങ്ങോള് വട്ടോളിപ്പടി പുളിയന്വീട്ടില് ലിയോണ പൗലോസ് (55), ഇടുക്കി കാളിയാര് മുപ്പത്താറ് കവലയില് കുമാരി (53), മലയാറ്റൂര് കടവന്കുഴി വീട്ടില് പ്രദീപന്റെ മകള് ലിബിന (12) എന്നിവരാണ് നേരത്തേ മരിച്ചത്. ലിയോണ പൗലോസ് സംഭവ സ്ഥലത്തുവെച്ച് തന്നെ മരണപ്പെട്ടിരുന്നു. കുമാരിയും ലിബിനയും ചികിത്സയില് കഴിയവേയാണ് മരണപ്പെട്ടത്.
ഒക്ടോബര് 29 ന് രാവിലെ 9.30 ഓടെയാണ് ക?ള?മ?ശ്ശേ?രി സം?റ ക?ണ്?വെ?ന്?ഷ?ന് ?സെ?ന്റ?റി?ല് യഹോവ സാക്ഷികളുടെ കണ്വെന്ഷനിടെ സ്ഫോടനമുണ്ടായത്. 18 പേരാണ് സ്ഫോടനത്തെ തുടര്ന്ന് പരിക്കേറ്റ് നിലവില് ചികിത്സയില് കഴിയുന്നത്. ഐസിയുവില് കഴിയുന്ന പതിമൂന്ന് പേരില് സാരമായി പൊള്ളലേറ്റവരുടെ നില ഗുരുതരമായി തുടരുകയാണ്.
സ്ഫോടനം നടന്ന് മണിക്കൂറുകള്ക്കുള്ളില് ഉത്തരവാദിത്തം ഏറ്റെടുത്ത് തമ്മനം സ്വദേശിയായ ഡൊമനിക് മാര്ട്ടിന് രംഗത്തെത്തി. യഹോവ സാക്ഷികള് ദേശവിരുദ്ധ പ്രവര്ത്തനമാണ് നടത്തുന്നതെന്നും സഭയ്ക്കുള്ളിലെ തര്ക്കമാണ് ആക്രമിക്കാന് കാരണമെന്നുമാണ് ഇയാള് വെളിപ്പെടുത്തിയത്. ഡൊമനിക് മാര്ട്ടിന്റെ കസ്റ്റഡി അപേക്ഷ എറണാകുളം പ്രിന്സിപ്പല് സെഷന്സ് കോടതി ഇന്ന് പരിഗണിക്കും.
ഇയാളെ വിശദമായ ചോദ്യം ചെയ്യലിനും തെളിവെടുപ്പിനുമായി പത്ത് ദിവസത്തെ കസ്റ്റഡിയില് വേണമെന്നാണ് അന്വേഷണ സംഘത്തിന്റെ അപേക്ഷ. ബോംബ് നിര്മാണത്തിന് ഡൊമനിക്കിന് കൂടുതല് പേരുടെ സഹായം ലഭിച്ചിട്ടുണ്ടോയെന്ന് എന്ന് പോലിസ് പരിശോധിച്ച് വരികയാണ്. എറണാകുളം ജില്ലാ ജയിലില് റിമാന്ഡ് ചെയ്ത പ്രതിയുടെ തിരിച്ചറിയല് പരേഡ് കഴിഞ്ഞ ദിവസം പൂര്ത്തിയായിരുന്നു.
