കണ്ണൂര്‍: സുപ്രീംകോടതിയുടെ പരിസ്ഥിതി ലോല മേഖല ഉത്തരവ് സംസ്ഥാന സര്‍ക്കാര്‍ നാളിതുവരെ സ്വീകരിച്ചുപോന്ന നിലപാടുകള്‍ക്കേറ്റ തിരിച്ചടിയാണെന്ന് വനം മന്ത്രി എകെ ശശീന്ദ്രന്‍. കോടതിവിധിയുടെ ഭാ?ഗത്ത് നിന്നുണ്ടായിട്ടുള്ള തടസ്സം നീക്കാന്‍ എന്തെങ്കിലും സാധ്യതയുണ്ടോയെന്ന് പരിശോധിക്കുമെന്നും അദ്ദേഹം പറഞ്ഞു. വനമേഖലകള്‍ക്ക് ചുറ്റുമുള്ള ഒരു കിലോമീറ്റര്‍ ചുറ്റളവിനെ പരിസിഥിതി ലോല മേഖലയാക്കണമെന്നതാണ് സുപ്രീം കോടതി പുറത്തിറക്കിയ ഉത്തരവിലുള്ളത്. എന്നാല്‍ കേരളത്തിന്റെ പ്രത്യേക സാഹചര്യം കണക്കിലെടുത്ത് ജനവാസ കേന്ദ്രങ്ങളെ ഒഴിവാക്കണമെന്ന് വിഷയം ചര്‍ച്ച ചെയ്യാന്‍ കണ്ണൂരില്‍ ചേര്‍ന്ന യോ?ഗത്തിനു ശേഷം മന്ത്രി അറിയിച്ചു.
