പാലക്കാട് ദേശീയപാതയില്‍ സിനിമസ്‌റ്റൈല്‍ കിഡ്‌നാപ്. സംഘം സഞ്ചരിച്ച 2 ഇന്നോവ കാറുകള്‍ തൃശ്ശൂരില്‍ കണ്ടെത്തി. വടക്കഞ്ചേരി മണ്ണുത്തി ദേശീയപാതയില്‍ നീലി പാറയില്‍ വച്ച് കഴിഞ്ഞ ദിവസമാണ് കിയ കാര്‍ തടഞ്ഞ് കാറിലുള്ള രണ്ടുപേരെയും കാറും സംഘം തട്ടിയെടുത്തത്. നാട്ടുകാര്‍ ഈ ദൃശ്യങ്ങള്‍ മൊബൈലില്‍ പകര്‍ത്തിയിരുന്നു.
നാട്ടുകാര്‍ വിവരമറിയിച്ചതിനെ തുടര്‍ന്ന് വടക്കഞ്ചേരി പൊലീസ് അന്വേഷണം നടത്തിയതിന്റെ പശ്ചാത്തലത്തില്‍ തൃശ്ശൂര്‍ കുന്നംകുളം ഭാഗത്തെ റോഡരികില്‍ ഉപേക്ഷിച്ച നിലയില്‍ കാര്‍ കണ്ടെത്തുകയായിരുന്നു. അന്വേഷണത്തില്‍ ഇന്നോവ കാറിന്റെ നമ്പര്‍ പ്ലേറ്റ് വ്യാജമെന്ന് കണ്ടെത്തിയിരുന്നു. ഏഴോളം പ്രതികള്‍ സംഘത്തില്‍ ഉള്ളതായാണ് വിവരം. പ്രതികള്‍ ഉടന്‍ പിടികിലാകുമെന്ന് വടക്കഞ്ചേരി പൊലീസ് പറഞ്ഞു. കാപ്പ ഉള്‍പ്പെടെ നിരവധി കേസുകളിലെ പ്രതികളാണ് സംഘത്തിന് പിന്നിലെന്ന് പൊലീസ് വ്യക്തമാക്കി.
