സുപ്രീംകോടതി ചീഫ് ജസ്റ്റിസ് ഡി വൈ ചന്ദ്രചൂഡ് ഔദ്യോഗിക ജീവിതത്തിലെ അവസാന ഇന്ന് കേസില്‍ വിധി പറയും. നവംബര്‍ 10 വരെ കാലാവധി ഉണ്ടെങ്കിലും, ഇന്നാണ് അവസാന പ്രവൃത്തി ദിവസം. അലിഗഡ് മുസ്ലിം യൂണിവേഴ്‌സിറ്റിയുടെ, ന്യൂനപക്ഷ പദവി സംബന്ധിച്ച കേസിലാണ് ഡി വൈ ചന്ദ്രചൂഡ് ഇന്ന് വിധി പറയുക.
ഇന്ന് ഫുള്‍കോര്‍ട്ട് ചേര്‍ന്ന് യാത്രയയപ്പ് നല്‍കും. രാഷ്ട്രീയ പ്രാധാന്യവും മാനുഷിക പ്രാധാന്യമുള്ള കേസുകളില്‍ വിധി പറഞ്ഞ ജഡ്ജിയാണ് ജസ്റ്റിസ് ഡിവൈ ചന്ദ്രചൂഡ്. സ്വകാര്യത അവകാശം, ഇലക്ട്രല്‍ ബോണ്ട് അടക്കമുള്ള നിരവധി കേസുകളില്‍ ചരിത്രപരമായ വിധി പ്രസ്താവിച്ചു. ഡിവൈ ചന്ദ്രചൂഡ് ഇന്ത്യയുടെ 50 മത്തെ ചീഫ് ജസ്റ്റിസ് ആയി ചുമതലയേറ്റത് 2022 നവബറിലാണ്.
സുപ്രീംകോടതിയുടെ എംബ്ലവും പതാകയും മാറ്റിയതും നീതിദേവതയുടെ കണ്ണുതുറന്ന നിലയിലുള്ള പുതിയ പ്രതിമ സ്ഥാപിച്ചതും വാര്‍ത്തയോടൊപ്പം വിമര്‍ശനങ്ങള്‍ക്കും വഴിതുറന്നു. തന്റെ വസതിയില്‍ നടന്ന ഗണപതിപൂജയില്‍ പ്രധാനമന്ത്രി നരേന്ദ്രമോദി പങ്കെടുത്തതും അയോധ്യാവിഷയത്തില്‍ പരിഹാരമുണ്ടാക്കാന്‍ ദൈവത്തോട് പ്രാര്‍ഥിച്ചിട്ടുണ്ട് എന്ന പ്രസ്താവനയുമെല്ലാം ചന്ദ്രചൂഡിനുനേരേ വിമര്‍ശനമുയരാന്‍ കാരണമായി.
